Saturday, June 20, 2009

അമ്മ

ഷാനവാസ്‌ കൊനാരത്ത്

വീടെത്തണം,
മനസ്സിന്‍റെയും ശരീരത്തിന്‍റെയും
അസ്വാസ്ഥ്യങ്ങള്‍ക്കിടയിലും
വീട് കാക്കാന്‍ വിധിക്കപ്പെട്ട
പാവം വൃദ്ധയുണ്ടവിടെ...

വീടെത്തണം,
കരളില്‍ നിന്നും അടര്‍ത്തിയെടുത്ത
ഒരു ഓട്ടമുക്കാലും
അച്ഛന്‍റെ ഹൃദയത്തില്‍ നിന്നും
പണ്ടെപ്പോഴോ പറിച്ചെടുത്ത
ഗാന്ധിസാഹിത്യത്തിന്‍റെ ഒരേടും,
കണ്ണാടിയുടഞ്ഞ കണ്ണടയും
രണ്ടുകോപ്പ മിഴിനീര്‍ ചറവും
നരകമാത്രകളില്‍ അമൃത്‌ പോലെ,
ഹരിചന്ദനം പോലെ,
ആത്മാവില്‍ നിറയുന്ന
സാന്ത്വനവും ഉണ്ടവിടെ...

പകരംഒരു കരണ്ടി
കഷായം നല്‍കണം...

വീടെത്തണം,
സ്നേഹലാളനകള്‍
കോന്തലയില്‍ പൊതിഞ്ഞ്,
സമനില തെറ്റിയ മനസ്സുമായി
കാത്തിരിക്കുന്ന
പാവം വൃദ്ധയുണ്ടവിടെ...


.............................................
ഷാനവാസ്‌ കൊനാരത്ത്
.............................................

3 comments:

junaith said...

മുന്‍പ്‌ വായിച്ചിരുന്നു ആശംസകള്‍.

രാമചന്ദ്രന്‍ വെട്ടിക്കാട്ട്. said...

എനിക്കും, വീടെത്തണം

Sureshkumar Punjhayil said...

Aa ammakku enteyum pranamangal...!!! Mnoharam.. Ashamsakal...!!!