Friday, December 11, 2009

സ്ത്രീ ധനം

'വിവാഹം'-ഒരു ഉടമ്പടി

പുഞ്ചിരിയുടെ
മേമ്പൊടി ചാലിച്ചെത്തുന്ന
ആദ്യ പദം സ്ത്രീ ധനമാവും.
'എത്ര കൊടുക്കും ' പെണ്ണിന്
നിങ്ങളെന്നാരായുന്നു
വരന്റെ ബന്ധുരര്‍...

കോമളപുരം ചന്തയില്‍
പശുക്കള്‍ക്കാരോ വിലപേശുന്നു....


കൂടിയാലും കുഴപ്പം
കുറഞ്ഞാലും കുഴപ്പം

വ്യാപാരത്തില്‍
നഷ്ടം പാടില്ലെന്നാണല്ലോ
വിവക്ഷ.
'സ്ത്രീ ധനം' -വേണ്ടെന്നു
പറഞ്ഞാ ചെറുപ്പക്കാരനെ-
യെന്തോ പോരായ്മയുണ്ടെന്ന്
മുദ്രകുത്തി പടിക്ക്
പുറത്താക്കുന്നീ വ്യവസ്ഥിതി...

8 comments:

രാജേഷ്‌ ചിത്തിര said...

എത്ര പറഞ്ഞാലും നന്നാവില്ല
കവിത എന്ന നിലയില്‍ ഇനിയും
നന്നാക്കേണ്ടിയിരിക്കുന്നു
ആശംസകള്‍

വീകെ said...

സ്ത്രീധനം വേണ്ടന്ന് ഇക്കാലത്ത് ആരെങ്കിലും പറഞ്ഞാൽ, തീർച്ചയായും സംശയിക്കും
“എവനെന്തോ.. കൊഴപ്പമുണ്ട്...!!?”

Muralee Mukundan , ബിലാത്തിപട്ടണം said...

വിഷയവും കവിതയും കുറച്ചുപഴഞ്ചനായൊ എന്നു സംശയം ?

Unknown said...

വിവാഹ കമ്പോളത്തില്‍ തക്കം പാര്‍ത്തിരിക്കുന്നു ഇന്ന് സമൂഹം

Anonymous said...

pora .....mechappedutthuka

chithrakaran:ചിത്രകാരന്‍ said...

സ്ത്രീധനം പുരുഷന്റേയോ സ്ത്രീയുടേയോ നന്മ തിന്മകളുടെ സൃഷ്ടിയല്ല. സമൂഹത്തിന്റെ സാംസ്ക്കാരിക രോഗത്തിന്റെ ഫലമാണ് സ്ത്രീധനം.
നമ്മുടെ സംഘടിത മതങ്ങള്‍ക്ക് ഒരു മാസം കൊണ്ട് നിര്‍ത്താവുന്ന രോഗമാണിത്.
പക്ഷേ,മതങ്ങള്‍ക്ക് നിലനില്‍ക്കാന്‍ അടിമത്വം(ദാസ്യബോധം)ഒഴിച്ചുകൂടാത്തതായതിനാല്‍
മതവും പാര്‍ട്ടിരാഷ്ട്രീയവും ഇരിക്കുന്ന കൊംബു മുറിക്കില്ല:)

സാംസ്ക്കാരികമായി സ്ത്രീധനം ഇല്ലായ്മചെയ്യണമെങ്കില്‍ ആണത്തമുള്ള പുരുഷന്മാരെ സ്ത്രീകള്‍ പ്രസവിച്ച് ആണത്തത്തോടെ വളര്‍ത്തി വലുതാക്കേണ്ടിയിരിക്കുന്നു.അതിനായി സ്ത്രീകള്‍ക്ക് ചരിത്രവും സാമൂഹ്യശാസ്ത്രവും അടങ്ങിയ മികച്ച വിദ്യാഭ്യാസം ലഭിച്ചിരിക്കണം.
നം സീരിയലില്‍ തളച്ചിട്ടിരിക്കുന്ന സ്ത്രീകള്‍ നന്നായിട്ട് സമൂഹം നന്നാകുമെന്ന് ഇനി പ്രതീക്ഷിക്കേണ്ട :)

Unknown said...

ആശയം കൊള്ളാവല്ലോ മാഷേ..
നല്ല കവിത..നന്നായിരിക്കുന്നു.ആശംസകള്‍!!

മനോഹര്‍ മാണിക്കത്ത് said...

എഴുത്ത് തുടരുക..