Sunday, January 24, 2010

മായം കലരുമ്പോള്‍...

കേള്‍ക്കാറില്ലേ?
മലയാളമല്ല!!
ഒരുതരം വിഷം കലര്‍ന്ന
മിശ്രിത ഭാഷയിലെ
എങ്കോണിച്ച ചുണ്ടുകളുടെ
കൊഞ്ചലുകള്‍.

സ്വന്തം സംസ്ക്കാരം
പുണര്‍ന്നുറങ്ങാന്‍-
ചാനലിലോടി
തളര്‍ന്നുറങ്ങിയ
രാത്രികളുണ്ട്!

വിരലിലെണ്ണാവുന്നവരുമായി
ഒരു ഭാഷാലോകം
ഉള്‍ വലിഞ്ഞതറിയാഞ്ഞാകാം-
ഉള്ളില്‍ വീര്‍പ്പുമുട്ടി
തികട്ടിവന്നൊരു ചിന്തയുമാകാം-
ഒരിക്കല്‍ ഞാനെന്റെ
ക്ലാവുപിടിച്ച തൂലിക
വാളിനരം വെച്ചു.

അങ്ങനെയാണീ വിശാല
ഭൂവിലൊരഞ്ചുസെന്റു
സ്ഥലം പോലെ
ഒരു നാളത്തെ പത്രത്താളില്‍
പ്രമാണമുള്ളൊരിടമെനിക്ക്
സ്വന്തമായുണ്ടായതും‌-
നിരര്‍ത്ഥങ്ങളര്‍ത്ഥം പേറിയ
ഹിപ്പിസയുഗം പോലൊ
രിടത്തതു പൊഴിഞ്ഞതും.

പിന്നീട് ഉള്ളിയും,
ഉണക്കമീനും പൊതിഞ്ഞ്
തെരുവോരത്ത് ചെളിപുരണ്ട്
ചവിട്ടി മെതിച്ച ആ.. ദുരന്ത
കാഴ്ച്ചയെ നീക്കം ചെയ്തത്
ഒരു കാലവര്‍ഷത്തിലെ
കുത്തൊഴുക്കാണ്!!

5 comments:

Anonymous said...

കാലത്തിന്റെ കുത്തൊഴുക്കുകൾ
പ്രതീഷ്

Ranjith chemmad said...

നല്ല വരികള്‍...

ബിലാത്തിപട്ടണം / Bilatthipattanam said...

ഭാഷയെ കൊല്ലുന്നവർക്കഞ്ചുസെന്റുസ്ഥലം..

khader patteppadam said...

മലയാളത്തെ അടക്കംചെയ്യാന്‍ ആറടിമണ്ണൊരുക്കുന്ന ഏങ്കോണിച്ച ചുണ്ടുകള്‍..

മനോഹര്‍ മാണിക്കത്ത് said...

മലയാലം വായിക്കുന്നവര്‍
ഇത് വായിച്ചിരുന്നെങ്കില്‍...

നന്നായി ഈ വിയോജനക്കുറിപ്പ്