നിനക്കായി സഖീ

സൌഹൃദത്തിന്‍ പ്രേതത്തെ കാണുന്നു ഞാന്‍ 

വിരഹത്തിന്‍ ചിതയില്‍ എരിഞ്ഞമരുന്നു ഞാന്‍.

എന്‍ നിഴലിനെ ഒന്നു കാണാനാവാതെ;

നിന്‍ കാലൊച്ച ഒന്നു കേള്‍ക്കാനാവാതെ.

നിന്‍ മൌനം എത്ര വാചാലം സഖീ,

എങ്കിലുമിന്നും ഞാനതില്‍ കാണുന്നു,

എന്‍ ഇറ്റു വീണ  കണ്ണുനീര്‍ തുള്ളികള്‍ വറ്റാതെ...

ചേമ്പിലയില്‍ ശേഖരിച്ചെങ്കിലും,സഖീ

ഇനി എത്രയായ്യുസ്സുണ്ടതിനു 

ഒന്നു പുഞ്ചിരിച്ചു മറയാന്‍;

ജീവശ്വാസത്തിനായി പിടയുമെന്‍ ശരീരത്തിന് 

എന്തുകൊണ്ടെകുന്നില്ല നീ ജീവവായു ?

അറിയാനാവുന്നില്ല നിന്‍ മൌനത്തിനര്‍ത്ഥം, 

അലഞ്ഞിട്ടും സഖീ,നിരാശ മാത്രം ഫലം.

എന്‍ ശവകുടീരത്തില്‍ അര്‍പ്പിക്കാനാണോ 

നിന്‍ നയനങ്ങളിലെ കണ്ണീര്‍  പൂക്കള്‍ ?

വിള്ളല്ലേറ്റ മുറിപാടുകളോടെ 

ഒന്നു  മാത്രം ഞാന്‍ പറഞ്ഞിടട്ടെ,

വിശ്വസിച്ചിരുന്നു ഒരു പാടു നിന്നെ ഞാന്‍!!!