Tuesday, March 17, 2009

ശവങ്ങള്‍ പറയുന്നത്



കടല്‍ക്കരയില്‍ കാറ്റു-
കൊള്ളും ശവങ്ങളൊക്കെയും
പിന്നോട്ടടിക്കുന്ന
തിരകളെ കണ്ട്
എഴുന്നേറ്റിരുന്നു.

എന്തിനാണ് ഇനിയും കര ;
പുതിയ ശവങ്ങള്‍ക്ക്
വന്നിരിക്കാനോ .

കടലില്‍ പകുതി
താഴ്ന്ന സൂര്യന്‍
മുഴുവനുമായ്
മുകളിലേക്ക് വന്നു.

എന്തിനാണ് വീണ്ടും
പകല്‍ - കണ്ണടക്കാതെ
ഉറങ്ങി കിടക്കാനോ .

7 comments:

shihab mogral said...

എന്തിനാണു വീണ്ടും പകല്‍.. കണ്ണടക്കാതെ ഉറങ്ങിക്കിടക്കാനോ..

അര്‍ത്ഥവത്തായ ചോദ്യം..

...പകല്‍കിനാവന്‍...daYdreamEr... said...

എന്തിനാണ് പുതിയ ശവങ്ങള്‍... ?
നല്ല ചിന്തകള്‍...

രണ്‍ജിത് ചെമ്മാട്. said...

പുതിയ കരകളുണ്ടാകുന്നു; അതോടൊപ്പം ശവങ്ങളും!
നല്ല വായനയ്ക്ക് നന്ദി..

ഗൗരി നന്ദന said...

പുതിയ ശവങ്ങളും പുതിയ കരകളും പുതിയ പകലുകളും......എന്നാല്‍ അതേ കടലും സൂര്യനും...

കണ്ണടയ്കാതെ ഉറങ്ങാനൊരു പകല്‍......നന്നായി....

തണല്‍ said...

ശവംനാറിപ്പൂവുകള്‍ പൂത്തുലയുന്നൊരു പകല്‍..

ഹൈദര്‍ തിരുന്നാവായ said...

"എന്തിനാണ് ഇനിയും കര ;
പുതിയ ശവങ്ങള്‍ക്ക്
വന്നിരിക്കാനോ"
നല്ല ചോദ്യം....

Sureshkumar Punjhayil said...

Appo Jeevichirikkunnavar parayunnathu arkkum vende... Ashamsakal.