Tuesday, March 24, 2009

ഇതിനായിരുന്നോ?

നാല് പേര്‍ മേയുന്ന
അവളുടെ മാറില്‍
സ്വര്‍ണ്ണക്കുരിശിലെ
യേശുവിന് ശ്വാസം മുട്ടി.

അതു കണ്ട്
അതിലൊരുവന്റെ കൈയിലെ
പച്ച കുത്തിയ
ചെഗുവേര ചിത്രത്തിന്
ചിരി പൊട്ടി.

“ഗുവേര,
ഞാനിന്നുമേറ്റുവാങ്ങുന്ന
കൊടിയ പാപങ്ങളറിയാതെ-
യാണോ നീ ചിരിക്കുന്നത്?
ഇതിനായിരുന്നോ
പിതാവേ..! ഞാന്‍…”

“അറിയാതല്ല സഖാവേ,
പുതിയ അധിനിവേശങ്ങള്‍ക്ക്
സാക്ഷിയായി
എനിക്കും മടുത്തിരിക്കുന്നു”.

ഇതെല്ലാം കേട്ട്
അവളുടെ കാലിലപ്പോഴും
ചെരിപ്പുണ്ടായിരുന്നു.
---------------------------
രാമചന്ദ്രന്‍ വെട്ടിക്കാട്ട്.

15 comments:

...പകല്‍കിനാവന്‍...daYdreamEr... said...

ഇതൊന്നും അറിയതല്ലേ സഖാവേ ഞാനും ...!
:)

കാന്താരിക്കുട്ടി said...

കൊള്ളാല്ലോ !അവളുടെ കാലിലെ ചെരിപ്പിനു ഉപയോഗമില്ലാതെ പോയി അല്ലേ

ഹരീഷ് തൊടുപുഴ said...

ഇത് മുന്‍പൊന്നു പോസ്റ്റിയതല്ലായിരുന്നോ, രാം..

ഹരീഷ് തൊടുപുഴ said...

ഇതെല്ലാം കേട്ട്
അവളുടെ കാലിലപ്പോഴും
ചെരിപ്പുണ്ടായിരുന്നു.


ചെരിപ്പിന് മാത്രമായി ഒന്നും ചെയ്യാനാവില്ലല്ലോ..

അനില്‍@ബ്ലോഗ് said...

:)

ചാണക്യന്‍ said...

ഈശ്വരാ...യേശുവിന് എങ്ങനാ ശ്വാസം മുട്ടീന്ന് പറഞ്ഞെ..:):):)

ലതി said...

ഇതിനായിരുന്നോ?

Shihab Mogral said...

കാലിലപ്പോഴും ചെരിപ്പുണ്ടായിരുന്നു...
:)

the man to walk with said...

oh..

ഗൗരി നന്ദന said...

നിസ്സഹായമായ രണ്ടു പ്രതിരൂപങ്ങള്‍....

പല ടി-ഷര്‍ട്ട്‌ കളിലും ഇരുന്നു ചെ ഇത് തന്നെയാവും പറയുക....

ചിതല്‍ said...

ഞാനും ചിന്തിച്ചതാണ്...
അവരുടേ ആ ശ്വാസമുട്ടല്‍..

സമാന്തരന്‍ said...

ആരും ആരേയും കല്ലെറിയേണ്ടെന്ന് ഒരു നീക്കു പോക്കിലെത്താം..

B Shihab said...

kollam

രണ്‍ജിത് ചെമ്മാട്. said...

കൊള്ളാം നല്ല പ്രമേയം...

രാമചന്ദ്രന്‍ വെട്ടിക്കാട്ട്. said...

നല്ല വായനക്ക് നന്ദി.

ഹരീഷ് ഇത് എന്റെ ബ്ലോഗില്‍ പോസ്റ്റിയിരുന്നു.

അതിലേറെ സന്തോഷം ഇപ്പോള്‍ ഇറങ്ങിയ (മാര്‍ച്ച് - ഏപ്രില്‍ ലക്കം)പ്രവാസ ചന്ദ്രികയില്‍ ഈ കവിത (സന്തോഷത്തോടെ തന്നെ പറയട്ടെ എഴുതിയതില്‍ ഒരെണ്ണമെങ്കിലും കവിതയായി എന്ന തോന്നല്‍) വന്നിട്ടുണ്ട്. (നസീര്‍ കടിക്കാട്, ദേവസേന, ശിവപ്രസാദ്, പ്രിയ തുടങ്ങിയവരുടെ കവിതകളും ഉണ്ട്)

ഈ കവിതകള്‍ വായിച്ച് അതിനെപ്പറ്റി എഴുതിയിരിക്കുന്നത് പ്രശസ്ത കവി സച്ചിദാനന്ദനാണ്. അതില്‍ എന്റെ ഈ കവിതയെക്കുറിച്ചും നല്ല അഭിപ്രായം എഴുതിയിരിക്കുന്നു.

നിങ്ങള്‍ തരുന്ന സ്നേഹത്തിനും പ്രോത്സാഹനത്തിനും നന്ദി പറയുന്നു.

-രാമചന്ദ്രന്‍ വെട്ടിക്കാട്ട്.